பட குழுவை என்னால் மறக்க முடியாது - ரக்க்ஷா ராஜ்

மலையாள பட உலகம் நமக்கு பல்வேறு கதாநாயகிகளை தந்து இருக்கிறது. தற்போதிய வரவு புது முகம் ரக்க்ஷா ராஜ்.அரபி கரை ஓரம் இருந்து வரும் அடுத்த பெரிய வரவு ரக்க்ஷா ராஜ் என கணிக்கின்றனர் திரை உலக வல்லுனர்கள். யுரேகாவின் இயக்கத்தில் ராயல் ஸ்க்ரீன்ஸ் தயாரிக்கும் 'தொப்பி' திரைப்படத்தில் அறிமுகமாகும் ரக்க்ஷா பரத நாட்டியம் , குச்சி புடி,மோகினி ஆட்டம், மற்றும் பல நடன கலைகளில் பால்யத்தில் இருந்தே பயிற்சி பெற்றவர். சமூக துறை சார்ந்த படிப்பில் பட்டம் பயின்ற ரக்க்ஷா அந்த கல்வியின் அடிப்படையில் மலையாள கலாசார துறை மற்றும் கலை நிலையம் மூலம் தனது நடிப்பு ஆற்றலை வெளி படுத்தினார்.மாத பெயரம்பர என்ற அமைப்பின் மூலம் உலகெங்கும் சென்று தனது நடிப்பை மெருகேற்றிக் கொண்டார்.

தமிழ் படங்கள் மீதும் , தமிழ் மீதும் பேரார்வம் கொண்ட ரக்க்ஷா தனது அறிமுக படமான 'தொப்பி' பற்றி பேசும் போது ' தொப்பி என் மனத்தைக் கவர்ந்த படமாகும்.அறிமுகமாக சிறந்த படமும் கதையும் அவசியம் என்றால் , தொப்பி எனக்கு சிறந்த அறிமுகம் தரும் படமாகும். படப்பிடிப்பு நடந்த ஒவ்வொரு நாளும் எனக்கு நல்ல பாடமாக இருந்தது.என்னுடைய சுய நம்பிக்கையும் நாளுக்கு நாள் உயர்ந்துக் கொண்டே இருந்தது.பட குழுவினர் ஒரு குடும்பம் போல் என்னிடம் பாசம் பாராட்டியதை என்னால் மறக்க முடியாது.திரை உலகில் மென்மேலும் சாதிக்க நினைக்கும் எனக்கு 'தொப்பி' மூலம் கிடைக்கும் பாராட்டு சிறந்த உரமாக இருக்கும்' என நம்பிக்கை தெரிவித்தார்.

More Images Click here